[ندعوك للتسجيل في المنتدى أو التعريف بنفسك لمعاينة هذه الصورة]خبزة المقلوgة في الكوكوط
ربما الاسم غريب عليكم لكن في بعض المناطق يسميها هكاك وخاصة ناس غرداية وطبعا الاصل غلاب
هي خبزة الشحمة ككل خبزة الشحمة المعروفة تتعدد الاسماء والنتيجة واحدة
راني طولت عليكم أبدأ بسم الله
على عدد افراد الاسرة
الفرينة + خميرة +خبز +ماء+ ملح تعجن مليح حتى تصبح طرية موش يابسة تترك لتخمر لدقائق ونعاود نعجنها ونخليها تخمر وكي توجد نبداو نخدمو فيها
نحضر الحشووهو الgلب عبارة عن شحم يكون اكثر من كمية البصل نطحنو بالروبو وإذا عندك الوقت دقيه بالمهراس ونزيد البصل ملح راس الحانوت فلفل حار الي يحب الحار او الطرشي الي يحب فقط النكهة شوية سكر حتى تروح مرورية البصل بعد ما نرحيها وطماطم المصبرة اي طماطم القوطي المهم يتطحن الكل حتى يتجانسو ونحصل على حشو رطب
وبعدها نعمرو الخبيزات ناخذ شوي من العجين ونحلوه ونضع القلب ونغلقوها مليح حتى ما يخرجش الحشو اثناء الطياب وونشكلها مدورة ككل الخبز ونكونوا سخنا الكوكوط وياريت يكون من النوع القديم لآنه ثقيل مع وضع الزيت ونحط الخبزة فيها ونكمل نحلوها فيه حتى تتربع في كامل القاع لازم تكون على شكل الكوكوط وهنا نقولك مافيه هروب من حرق ذاراعيك حتى ما نخبيش عليك وحتى تتعودي وتعرفي كيفاش تحطيها بالكوكوط ونضع شوي زيت من فوقها وتكون على نار خفيفة ونقلبها كي نشوفها اخذت اللون الذهبي او مجمر
وهذا شكلها
جربوها اخواتي ورايحين تاكلو خبزة المغلوقة بإسم جديد ومذاق جديد وهذا شكلها شهية طيبة للجميع
وبتوفيق لكل من حاب يجرب
[ندعوك للتسجيل في المنتدى أو التعريف بنفسك لمعاينة هذه الصورة] 
الرئيسية 
